Archive | હર્ષદ ચંદારાણા RSS feed for this section

આગ લાગે

16 જાન્યુઆરી

આ નદીની છોડ અડતા પથ્થરોમાં આગ લાગે,
સાવ જોતાં રહી જવાથી કોતરોમાં આગ લાગે.

બહુ ફેલાવી ધસે , વરસાદ ભેટે , ગાઢ ભીંસે,
બાદ ગામેગામ, લીલી, ખેતરોમાં આગ લાગે.

કૈં સમયથી ખુદનું એ હોવાપણું ભૂલી ગયા’તા-
વાંસળી વાગે કે ભડભડ ઝાંઝરોમાં આગ લાગે.

વન અને વગડે ફરી નૃત્ય ને ગીતોની રમઝટ,
ઝાંઝરો રણક્યાં કરે ને મર્મરોમાં આગ લાગે.

બંધ લિફાફે હતો છૂપો સળગતો એક તણખો,
પત્ર તારો ખોલતામાં અક્ષરોમાં આગ લાગે.

– હર્ષદ ચંદારાણા (‘પરબ’ માંથી)

Advertisements