Archive | મનસૂર કુરેશી RSS feed for this section

સમયનું હળ

24 નવેમ્બર

કેટલા ઉંડા હ્રદયના તળ હશે ?
આંસુઓના રૂપમાં ત્યાં જળ હશે !

હું સમીપે પહોંચવા આતૂર છું,
એ મારી લાગણીનું બળ હશે.

હાજરી જ્યાં આપણી દેખાય છે,
ત્યાં જ દમયંતી હશે’ને નળ હશે

ચાખવાનું ભાગ્ય તો ક્યાંરે મળે ?
કેટલાં મીઠા ધિરજના ફળ હશે .

કેમ એને સહેજમાં ઉકેલશો ?
દોર સંબંધોની છે તો વળ હશે.

જિંદગીભર યાદ રૂપે સાંભરે.
એમના સાનિધ્યની એક પળ હશે

કબ્રી ‘મનસૂર’,કરો સમતળ ધરા.
ખેડવા માટે સમયનું હળ હશે.

-મનસૂર કુરેશી,ભાવનગર
(‘આપણી અરસ પરસ’ મેગેઝીન માંથી સાભાર)

Advertisements