Archive | ચંદન પરમાર RSS feed for this section

પ્રેમ કરે છે

30 ઓગસ્ટ

કાંટા ક્યાં કોઇની  ઉપર  ઘા  કરે  છે,
માનવ જ માનવતા ઉપર ઘા કરે છે.

આપે  છે લોકો  નાહક  સજા   કાંટાને,
ફૂલો   ક્યાં  કાંટાની  ફરિયાદ  કરે  છે?

હોય  છે  હંમેશાં ફૂલોની  સાથે  કાંટા,
લોકો  જ  ફૂલને  કાંટાથી  દૂર  કરે  છે.

અજાણતાં ફૂટી નીકળે ટશર લોહીની,
માનવો  જ  કાંટાને  બદનામ  કરે છે.

ફૂલને  ઉપયોગી  છે  કાંટા ઘણા,
માનવ  માત્ર  ફૂલ પસંદ  કરે  છે.

છે  એકમેકના  સુખદુ:ખના  સાથી,
સ્વાર્થ  માટે માનવ  અલગ  કરે છે.

પૂછી  જુઓ  ફૂલોને કાંટાનું  મહત્વ,
કહી ઉઠશે, એ જ મારું જતન કરે છે.

અજાણતાં કમને  ખરી પડે છે ફૂલો,
નહીં  તો  કાંટાને  ઘણો પ્રેમ કરે છે.

-ચંદન પરમાર(ગાંધીનગર)

(કવિશ્રીએ ફૂલ અને કાંટાના સંબંધની હદયસ્પર્શી વાત કરી છે.)

Advertisements